Բլոգային-նախագծային վերապատրաստման երկրորդ օրը սկսեցինք Մայր դպրոցում և քայլեցինք դեպի Քոլեջ՝ խոսելով հեղինակային մանկավարժության բաց, թափանցիկ միջավայրի մասին։
Քոլեջում Տաթև Բլեյանը ներկայացրեց գործող կրթական ծրագիրը, մանրամասնությամբ Խաղողի և գինու դպրոցի գործունեությունը, կրթական փոխանակումների կացարանը։ Շրջեցինք տարածքով՝ ծանոթանալով գինու ստեղծման փուլերին, ընթացքին, իրականացված հետաքրքիր նախագծերին։
Այնուհետև շարունակեցինք բլոգային-նախագծային աշխատանքը Քոլեջում։
Մեր գործունեությունը՝
- բացեցինք և գրանցեցինք մասնակիցների բլոգները,
- թեմա և դիազայն ստեղծելու, փոխելու տարբերակները ուսումնասիրեցինք,
- կարողացանք տալ առաջին կարգավորումները,
- բացեցինք բաժիններ,
- հրապարակեցինք առաջին նյութը,
- խոսեցինք նախագծերի մասին ։
Վերապատրաստման համար նախատեսված ժամանակը շատ արագ է անցնում, մասնակիցները հետաքրքրված են, հեշտությամբ ընկալում են, արդեն ունենք գործող բլոգներ։