Նոյեմբերի 17-20-ը կրթահամալիր դիմած մասնագետների քառօրյա վերապատրաստումն էր: Նախապես հրապարակվել է վերապատրաստման ծրագիրը:
Մասնակիցները չորսն էին, հանդիպումները տեղի են ունեցել ֆիզիկական միջավայրում.
- Նաիրա Դավթյան. սոցիալական աշխատող
- Վարդիթեր Խաչատրյան. իրավագետ, թատրոնի ռեժիսոր
- Անուշ Դավթյան. նկարիչ-դիզայներ
- Հակոբյան Էվելինա. հոգեբան-մանկավարժ
Քառօրյա վերապատրաստման ընթացքում մասնակիցներին փոխանցվեցին մի շարք հմտություններ, կարողություններ
- Բլոգային հմտություններ՝ բացել բլոգ, կարգավորել արտաքին տեսքը, ընտրել խրվակներ, գրառումներ կատարել, լուսանկարներ, տեսանյութեր, ձայնագրություններ հրապարակել, այլ կարևոր նրբություններ,
- Նախագծային հմտություններ՝ ի՞նչ է նախագիծը, ինչպե՞ս նախագիծ կազմել, նախագծային ուսուցման առանձնահատկությունները:
Խոսեցինք նաև հեղինակային կրթական ծրագրից, ծրագրի առանձնահատկություններից, քայլեցինք կրթահամալիրի ֆիզիկական միջավայրում՝ Մայր դպրոց, Սասնալանջ, Արևելյան դպրոց, Քոլեջ, Գինու և խաղողի դպրոց, ծանոթացանք կրթահամալիրի մեդիամիջավայրին՝ կայքին, մեդիագրադարանին, տնօրենին օրագրին, մանկավարժական ամսագրին, ուսումնական օրացույցին և մի շարք այլ կարևոր հղումների: Սովորեցին օգտագործել gmail.com հարթակը, ձայնագրությունների, տեսանյութերի համար նախատեսված այլ հարթակներ:
Բոլոր մասնակիցներն ունեն իրենց բլոգները, տիրապետում են դասավանդողին անհրաժեշտ բլոգային հմտություններին .
Հակոբյան Էվելինայի բլոգ
Վերապատրաստման վերջին օրը մասնակիցները ներկայացրին նաև իրենց կազմած նախագծերը.
Դավթյան Նաիրա . նախագծերի բաժին
Վարդիթեր Խաչատրյան. նախագծերի բաժին
Անուշ Դավթյան. նախագծերի բաժին
Հակոբյան Էվելինա. նախագծերի բաժին
Չորս մասնակիցներն էլ կրթահամալիրում կամավորական աշխատանք իրականացնելու ցանկություն են հայտնել :
Վերապատրաստման ընթացքը լուսաբանվել է մասնակիցների բլոգներում և վերապատրաստման բլոգում: